फेसबुके साहित्यकारहरु - Smritisangraha | स्मृति-संग्रह

फेसबुके साहित्यकारहरु

१. देखेको/भोगेको

उन्मादले नसामा झुल्दा’रहेछन्
खुट्टा भयो भन्दैमा डुल्दा’रहेछन्
युरोपियन हुरीमा उड्न थालेपछि
अरेबियन पसिना भुल्दा’रहेछन्

२. फेसबुके साहित्यकारहरु

अरुलाई कुहेको झार सम्झन्छन्
आफूलाई समझ–दार सम्झन्छन्
दुई–चार गजल को¥यो भन्दैमा,
सर्वज्ञाता साहित्य–कार सम्झन्छन्

३. नेताहरु

समानता, अधिकार, हक भन्न थाले
स्वार्थ पूरा गर्न सबै पार्टी बन्न थाले
जनताको लागि काम गर्ने भन्नेहरु,
सरकारमा पुगेपछि पैसा गन्न थाले

४. कृत्रिम मानवहरु

चारैतिर गोटीहरु चालेका छन् यहाँ
हिरो लाग्छ बोकेदारी पालेकै छन् यहाँ
अपांग नै भए पनि बुई चढेकाले
उड्न सक्ने चौथो अंग हालेका छन् यहाँ

सर्वत्रापमानित 'स्मृतिरोगी'

Get the Flash Player to see this player.

नमस्कार म राम गुरुङ्ग । भावावेशमा कहिलेकाही परिचय दिदा सर्वत्रापमानित, स्मृतिरोगीजस्ता शब्दहरुको सहारा पनि लिने गर्छु । वर्तमान परिवेश र सामाजिक ब्यवस्थामा जीवन जिउने क्रममा भोगाईले दिएका उपमाहरु हुन् यी । जीवनयात्राका गोरेटाहरुमा भोगिने र अनुभूति गरिने भावना, धारणा, तृष्णा, वितृष्णा, असन्तुष्टिहरुलाई यदाकदा पोख्ने पृष्ठभूमिको रुपमा दशकभन्दा अगाडिदेखि ब्लगिङ्गलाई अपनाउदै आएको छु । यद्यपि अचेल कलमभन्दा किबोर्ड र माउसमै अभ्यस्त छु । समग्रमा जीवन जिउने वहानामा बरालिदै हिडेको एउटा जिज्ञासु बटुवा हुँ । ... Ram Gurung (contact@gurungram.com.np)

आस्तिकताबाट अघाएर हिडेको यो ‘स्मृतिरोगी’ को ब्यक्तिगत ब्लगको मूलपृष्ठ प्रवेशमा सम्भवतः तपाईले गायत्री मन्त्रको ध्वनि सुन्नुभयो होला । यद्यपि गायत्री मन्त्रोच्चारणको मधुर ध्वनिलाई स्मृतिरोगीको आध्यात्मिक श्रद्धा–भक्तिसँग नजोडिदिनुहुन ब्लग भ्रमणकर्ता सबैमा अनुरोध छ । स्पष्ट के गराउन चाहन्छु भने स्मृतिरोगकिो नजरमा आस्तिकतामाथिको श्रद्धा–भक्तिको आस्था ढलिसकेको छ । उसको अर्थहीन जीवनमा यस सुमधुर धार्मिक ध्वनिको सम्बन्ध यस अर्थमा मात्र छ, जसले एक त्यस्तो अविष्मरणीय मिठासपूर्ण क्षणको संकेताभाष दिन्छ । यसले प्रणयांकुरणका पल्लवी पलहरुको प्रतिविम्बयुक्त परिवेशमा पु¥याएर स्मृतिरोगीलाई मीठो पीडाको आनन्दानुभूति प्रदान गर्दछ । –सर्वत्रापमानित स्मृतिरोगी