अतिथि गजल (मत छिट्टै मर्छु होला) - Smritisangraha | स्मृति-संग्रह

अतिथि गजल (मत छिट्टै मर्छु होला)

मत छिट्टै मर्छु होला , रमाएरै बाँच्नु तिमी ।।
नाम सँगै दाम पनि , कमाएरै बाँच्नु तिमी ।।

वरीपरी शुन्य होला , म मोर्दाको पल कतै ।
नरुनु है मुटु आफ्नो थमाएरै बाँच्नु तिमी ।।

उचनिच दायाँ बायाँ , कहि कतै गरे पनि ।
समाजमा आफ्नो हक जमाएरै बाँच्नु तिमी ।।

एक्लैबस्दा एकान्तमा , मेरो याद आयो भने ।
मेरो त्यो रुमाल चिनो ,समाएरै बाँच्नु तिमी ।।

विवश ज्ञवाली ‘असफलप्रेमी’
तुलसी भञ्ज्याङ–४, स्याङ्जा
हालः दुबई
ब्लगः www.kaligandakionline.blogspot.com

Get the Flash Player to see this player.

नमस्कार म राम गुरुङ्ग । भावावेशमा कहिलेकाही परिचय दिदा सर्वत्रापमानित, स्मृतिरोगीजस्ता शब्दहरुको सहारा पनि लिने गर्छु । वर्तमान परिवेश र सामाजिक ब्यवस्थामा जीवन जिउने क्रममा भोगाईले दिएका उपमाहरु हुन् यी । जीवनयात्राका गोरेटाहरुमा भोगिने र अनुभूति गरिने भावना, धारणा, तृष्णा, वितृष्णा, असन्तुष्टिहरुलाई यदाकदा पोख्ने पृष्ठभूमिको रुपमा दशकभन्दा अगाडिदेखि ब्लगिङ्गलाई अपनाउदै आएको छु । यद्यपि अचेल कलमभन्दा किबोर्ड र माउसमै अभ्यस्त छु । समग्रमा जीवन जिउने वहानामा बरालिदै हिडेको एउटा जिज्ञासु बटुवा हुँ । ... Ram Gurung (contact@gurungram.com.np)

आस्तिकताबाट अघाएर हिडेको यो ‘स्मृतिरोगी’ को ब्यक्तिगत ब्लगको मूलपृष्ठ प्रवेशमा सम्भवतः तपाईले गायत्री मन्त्रको ध्वनि सुन्नुभयो होला । यद्यपि गायत्री मन्त्रोच्चारणको मधुर ध्वनिलाई स्मृतिरोगीको आध्यात्मिक श्रद्धा–भक्तिसँग नजोडिदिनुहुन ब्लग भ्रमणकर्ता सबैमा अनुरोध छ । स्पष्ट के गराउन चाहन्छु भने स्मृतिरोगकिो नजरमा आस्तिकतामाथिको श्रद्धा–भक्तिको आस्था ढलिसकेको छ । उसको अर्थहीन जीवनमा यस सुमधुर धार्मिक ध्वनिको सम्बन्ध यस अर्थमा मात्र छ, जसले एक त्यस्तो अविष्मरणीय मिठासपूर्ण क्षणको संकेताभाष दिन्छ । यसले प्रणयांकुरणका पल्लवी पलहरुको प्रतिविम्बयुक्त परिवेशमा पु¥याएर स्मृतिरोगीलाई मीठो पीडाको आनन्दानुभूति प्रदान गर्दछ । –सर्वत्रापमानित स्मृतिरोगी